الموقع :-
من طرف [ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم ورحمة الله وبركاته
لا اعرف كيف ابدء بالقول وانما احببت ان اودع كل اخوتي واصدقائي هنا
والله دخلت هنا وقلبي وعيني تبكي دماً دون توقف
اليوم وبعد فراق ابنتي تولين الذي امزقت فؤادي وقلبي وقلب كل من احبها
اقدم لها الرثاء واقول
ابنتي تولين رحمك الله
لـمي شتات الصبح يابسمة الصبح..
لـمي بياضك واكسري الكون نصفين..
دنياك ضاقت من بياضك وطيبتك..
ومدت لك الجنه من الشوق فردوس..
فلي جناحينك وطيري مع الحــور..
يالصافية !!..
يالضافيه !!..
يالدافية !!..
كن البراءة عقب فرقاك تبكيك..
كن الطفولة عقب موتتك ترثيك..
حتى عصافير الجناين تناديك..
ياحزنها !!..
يافقدها !!..
ياصبحها !!..
يانورها !!..
يابشرها !!..
ياسرورها !!..
وفرحن سكن بصدورها ..
فقدك الدار ..
واهل الدور !!..
فقدك الصبح وايا النور !!..
فقدك الـ ( التاء) !!..
وحرف الـ ( واو) !!..
فقدك الـ ( الام) !!..
وحرف الـ ( ياء) !!..
وحرف الـ ( النون) !!..
فقدك الطهر .. ولون الـماء..
الموت كل الموت لا جيت للبيت
ونظرت لالعابك ونظرت لسريرك !!..
وباقي فساتينك.. وناعم حريرك !!..
وفتحت للاهات ابواب .. وابواب
وساقت لي الذكرى قوافل طيوفك
حوريتك!!..
جوريتك!!..
كانت هنا !!..
ترقد.. وتصبح .. وتمسي !!..
كانت هنا !!..
وتلعب .. وتمرح !!..
واليوم صرتي في ركامات امسي !!..
وذكرى لها امواس ٍ من الموت تجرح..
ياطفلتي !!..
واليوم بقماش لفـّوك !!..
وخذوك عن عيني وللقبر ودّوك !!..
وحطوك في لحد ٍ وباللبن غطوك !!..
سنة نبي الله ياغصْن قلبي ..
والله يصبرني على اللي حال بيا !!..
الله حسيب اللي تسبب بموتك وقضى على حلمك .. وطيفك .. وصوتك !!..
الله يجعل باقي عمره بحسرة ..
ومايهتني بالنوم لو قدْر ساعه ..
اللي حرق قلبي بموتك .. وفقدك !!..
حوريتي!!..
جوريتي!!..
نامي عسى الرب يرعاكِ ..
في جنته يا( قلب) امك وأباكي !!..
وبرحمته يشملك يانبض روحي !!..
عليم الله فقدتك يا ضنايا ..
عليم الله بكيتك ياعنايه ..
امنت باللي لي كتب !!..
ورضيت باللي انكتب !!..
سبحانه المعبود يعطي .. وياخذ !!..
سبحانه المعطي على كل الاحوال ..
الحمد له والشكر صبحي .. وليلي !!..
الحمد له والشكر لو كـَل حيلي !!..
الحمد له والشكر بالفرْح .. والحزْن !!..
الحمد له والشكر في كل حاجه !!..
هذي هي الدنيا ولحدن مخلد ..
وكلن يجيه الدور مهما يعمّر !!..
لو دامت لمخلوق دامت لرسله ..
ومامات ( نوح ) و ( يونس ) ْولا ( محمد)
ابنتي تولين !!..
بستاذنك !!.. والدمع يغسل ناظري ..
اليوم ابرحل عنك..
وابتركك في دار اهلك.. والاجداد !!..
نامي بامان الله وعينه وحفظه !!..
وا بوعدك ما أنساكِ لو كانت آخـر لحظه بحياتي !!..
حبك معي يسري في دم ٍ في وريدي !!..
ياقطعتن منزوعتن من حشايه ..
برحل !!..
وطيفك باقين لك معايه..
برحل!!..
وقلبي منكسر عقب موتتْك!!..
برحل!!..
وقلبي منكوي عقب فرقاك..
ياشمعدان الفجر!!..
والموت طفاك..
يازعفران الارض!!..
والموت غطاك..
ياكرنفال الكون !!..
والحزن ألغاك..
عجزت اختم هالقصيدة وأنهي !!..
عجزت اكفكف هالدموع!!..
عجزت اسلى عن بكاي!!..
ببكيك يالـ ( تولين)
زماني .. ودهري!!..
ببكيك لو بعدك كسر حيل ظهري !!..
ببكيك انا بدم الوريد..
ببكيك انا بعمري وازيد..
ياطفلتي!!..
ياضحكتي!!..
يانور غاب بدنيتي!!..
الله يصبرني على الحزن واصبر !!..
والله يساعدني على البعد واسلى!!..
كنتي فرح يملا عيوني .. ودنياي !!..
وصرتي حزن ينسج عنايه .. وبلواي !!..
ياكيف ابسلى عنك وانتي عيوني ؟؟ياليتهم يوم دفنوك ادفنوني!!..
يارب عذت برحمتك ..
الطف بحالي يالطيف ..
يالله طلبتك يالصبور ..
انزل على قلبي الصبر ..
فرحت !!..
يوم انك عطيت !!..
ورضيت !!..
يوم انك خذيت !!..
وامنت بك رب رحوم !!.
ابنتي !!..
عقبك غدى كل شي وداع !!..
وكل شي حولي ودعك !!..
ماودع الحزن عقبك !!..وداع
يا تولين
!!..وداع
فرحة دنيتي
!!..وداع
بهجة نظرتي
!!..وداع
ياأقسى
وداع !!..
وداااااع
